Seyyid Taleh - Oğlum Hüseyn

Seyyid Taleh - Oğlum Hüseyn Həzrəti Zəhra (s) dili ilə

Kim səni qərq etdi qızıl qanına
Niyzə dəyib sinəyi suzanına
Fatimə qurban yaralı canına
Ləbləri ətşan olan oğlum Hüseyn

Bərhəm olub getdi əsasın sənin
Olmadı bir kəs tuta yasın sənin
Bəs hanı əynində libasın sənin
Sinəsi suzan olan oğlum Hüseyn

Teşnə ləb öldürdülər qardaşını
Firqəti qan eylədi göz yaşını
Kim daldan kəsdi susuz başını
Xanəsi viran olan oğlum Hüseyn

Bəsləmişidim səni sinəmdə mən
Gül bədənin qaldı yer üstündə sən
Yox sənə bir qəbri qazan dəfn edən
Peykəri üryan olan oğlum Hüseyn